Бишкек, 04.02.22. /Кабар/. Кемин районунда уурулукка шектелген жаран кармалды. Бул тууралуу Чүй облустук милициясынын басма сөз кызматы билдирет.
Маалыматка ылайык, Кемин РИИБине 1959-жылы туулган М.С. аттуу жергиликтүү тургун арыз менен кайрылган, анда ал белгисиз жагдайда телефонун уурдатып алганын билдирип, белгисиз адамдарга чара көрүүнү суранган.
Аталган факт КР Кылмыш-жаза кодексинин 205-беренесинде (Уурдоо) каралган кылмыштын негизинде Кемин районунун ИИБне катталган.
«Ууру» аталышындагы рейддин жүрүшүндө Чүй ОИИББнин Кылмыш иликтөө башкармалыгынын жана Кемин РИИБнин кызматкерлери тарабынан жогорудагы кылмышка шектелип, 1996-жылы туулган К.К. аттуу жаран кармалып, РИИБге жеткирилген.
Учурда милиция кызматкерлери жогорудагы адамдын ушул сыяктуу башка кылмыштарга тиешеси бар же жоктугун текшерүүдө.
Тергөө иштери уланууда.
Пикир
Оставить комментарий