Бишкек, 17.10.17. /Нуркыз Сабырова – Кабар/. Башталгыч класстардын окуучуларына интеллектуалдык менчикти коргоо тууралуу айтып беришти. Бул тууралуу КР Өкмөтүнө караштуу Мамлекеттик интеллектуалдык менчик кызматынын басма сөз кызматы билдирди.
Ведомствонун маалыматы боюнча Чүй облусунун Беш-Күнгөй айылынын И.Таранчиев атындагы орто мектебинин “Жаш ойлоп табуучу” ийриминин алкагында “Интеллектуалдык менчик” викторинасы өттү. Ага мугалимдер, окуучулар жана Кыргызпатенттин кызматкерлери катышты.
Бул акция 2017-2021-жж. КР интеллектуалдык менчикти өнүктүрүү мамлекеттик программасынын алкагында өттү.
Мамлекеттик патенттик-техникалык китепкананын кызматкерлери балдарга интеллектуалдык менчикти объекттери, улуу ойлоп табуулар, азыркы жаштардын бул тармактагы жетишкендиктери тууралуу айтып беришти.
Иш-чаранын жүрүшүндө жаш ойлоп табуучулар үчүн “Дүйнөнү өзгөрткөн ачылыштар” слайды сунушталды. Окуучулар абдан активдүү катышып, көптөгөн кызыктуу суроолорду беришти. Мындан тышкары, викторинанын катышуучуларына Кыргызпатенттин эстелик белектери жана сертификаттары тапшырылды.
Пикир
Оставить комментарий