Солигорск, 13.08.23. /Кабар/. Кыргызстандын кыз-келиндер күрөшү боюнча жаштар курама командасынын мүчөсү Дилназ Сазанова Беларуста өтүп жаткан КМШ өлкөлөрүнүн II оюндарында күмүш медаль багындырды.
Кыз-келиндер күрөшү боюнча мелдештер бүгүн, 13-августта Беларустун Солигорск шаарында өтүп жатат.
Спортчу 65 кг чейинки салмакта күрөшүп, финалдык беттеште Беларусь балбаны Ксения Тереняга утулуп калды.
Буга чейин кыз-келиндер командасынын мүчөсү Бермет Нуридин кызы коло медаль уткан.
Эскерте кетсек, ушул тапта Беларустун 10 шаарында КМШ өлкөлөрүнүн II оюндары өтүп жатат. Оюндарга спорттун 22 түрү боюнча 22 мамлекеттен 2 миңден ашуун спортчу катышууда.
Аталган мелдештерде ошондой эле 200дөн ашуун кыргыз спортчусу спорттун 17 түрү боюнча күчүн сынап жатат. 4-августта башталган оюндар 14-августта жыйынтыкталмакчы.
Пикир
Оставить комментарий