Кочкордун Жаңы-Жол айылындагы спорт залдын курулушу 90 пайызга бүткөрүлдү

Бишкек, 18.12.24. /Кабар/. Кочкор районунун Жаңы-Жол айылындагы спорт залдын курулушу 90 пайызга бүтүрүлдү.

Архитектура, курулуш жана турак жай-коммуналдык чарба мамлекеттик агенттигинен билдиришкендей, үстүбүздөгү жылы пайдаланууга берүү пландалууда.

Жаңы курулуп жаткан спорт залдын жалпы аянты 610 чарчы метрди түзөт. Долбоор боюнча заманбап шарттары менен эки кабаттуу имарат куруу каралган. Объекттин курулушу ушул жылдын август айында башталган, тендердик баасы 56,7 млн сомду түзөт.

Белгилей кетсек, жыл башынан бери республикалык бюджеттин эсебинен жалпы 11 спорт объекттин курулушу бүткөрүлгөн.