Бишкек, 05.03.20. /Кабар/. Абдылас Малдыбаев атындагы Кыргыз улуттук академиялык опера жана балет театрында 10-марттан 31-мартка чейин спектаклдерди көрсөтүү токтотулат. Бул тууралуу Опера жана балет театрынан билдиришти.
Мындай чечим Маданият министрлигинин 2020-жылдын 4-март айындагы "Маданий-массалык иш-чараларды өткөрүүнү убактылуу токтотуу тууралуу" буйругуна ылайык кабыл алынган.
Сатып алган билеттерди театрдын кассасына өткөрсө же апрель-май айларында көрсөтүлө турган спектаклдерге колдонууга болот.
"Билетти кайтарууну каалаган көрүүчү театрдын кассасына келиши керек жана анын жанында билети жана өздүгүн күбөлөндүргөн документ болушу шарт", - деп айтылат маалыматта.
Эскерте кетсек, коронавирустун келишин алдын алуу боюнча республикалык штаб бардык аймактарга эл чогулган ири иш-чараларды өткөрбөй турууну сунуштаган.
Пикир
Оставить комментарий