КР Мамлекеттик өнүктүрүү банкы "Элдик банкка" 200 млн сом бөлдү

Бишкек, 06.09.24. /Кабар/. "КР Мамлекеттик өнүктүрүү банкы" ААК менен "Элдик банк" ААК кызматташтык тууралуу келишимге кол коюшту.

Келишимдин алкагында Мамлекеттик өнүктүрүү банкы "Элдик банкка" 200 млн сом бөлөт.

Ошентип, анын ичинен 100 млн ому лизингди каржылоого, калган 100 млн сому "жашыл" долбоорлорду колдоого жумшалат.

Берилген каражаттар экономиканын өсүшүнө өбөлгө түзүп, акыркы бенефициарлардын бакубаттуулугуна, жумуш орундарынын көбөйүшүнө, ата мекендик өндүрүштүн кеңейишине, өлкөнүн бюджетине кошумча кирешелердин түшүшүнө жана экологиялык абалдын жакшырышына оң таасирин тийгизет.