Бишкек, 15.09.23. /Кабар/. Кыргызстандын Соода-өнөр жай палатасынын башчысы Темир Сариев Түркияда өткөн бизнес-форумга катышты.
КР СӨПтүн басма сөз кызматынан билдиришкендей, иш-чарага Кыргызстан, Казакстан, Түркия, Өзбекстан, Түркмөнстан, Азербайжан жана Венгриянын соода-өнөр жай палаталарынын жетекчилери жана экономика министрлери чогулуп, кызматташуу жана ишкерлерге колдоо көрсөтүү маселелерин талкуулашты.
"Бизнес-форум көп тараптуу кызматташтык өлкөлөрдүн ортосундагы экономикалык жана соода байланыштарын бекемдөөгө, бизнести өнүктүрүүгө жана тажрыйба алмашууга мүмкүндүк берди", - деп айтылат маалыматта.
Форум аяктагандан соң КР Соода-өнөр жай палатасынын президенти Темир Сариев Түркиянын соода палаталары жана товардык биржалар союзунун башчысы менен жолугушуу өткөрдү.
Жолугушууда тараптар Түркия менен Кыргызстандын ортосундагы соода-экономикалык кызматташтыкты өнүктүрүүгө байланышкан маанилүү маселелерди талкуулашты.
Пикир
Оставить комментарий