Казак президентинин футбол боюнча кубогу: Кыргызстан Албания менен беттешет

Бишкек, 06.09.17. /Тумара Туратбекова – Кабар/. Казакстан президентинин футбол боюнча кубогунда Кыргызстандын курама командасы Албаниянын курамасы менен беттешет. Бул тууралуу КР футбол федерациясынан кабарлашты.

Оюн 7-сентябрда болот.

Казакстан президентинин футбол боюнча эл аралык турнири 4-сентябрда Талгар шаарында башталды (Алмата облусу).

Турнирдин биринчи күнү Кыргызстандын U-17 курамасы казактар менен беттешип, 1:0 эсебинде утулушту.

Экинчи күнү кыргызстандыктар Грузиянын спортчулары менен ойноп, 7:1 эсебинде жеңилишти. Каршылаштардын дарбазасына бир голду команданын капитаны Максим Есин киргизди.