Бишкек, 10.01.22. /Кабар/. Казакстанга жөнөтүлгөн КР Куралдуу күчтөрүнүн тынчтыкты орнотуучу аскердик контингенти тынчтыкты сактоо миссиясын аткарууда. Бул тууралуу КР Коргоо министрлигинин басма сөз кызматы билдирет.
Тактап айтканда, кыргыз аскер кызматчылары Алматы шаарынын ЖЭБ-2 маанилүү стратегиялык объектисин кайтарышууда.
Кыргызстандын тынчтыкты орнотуучулары КР Жогорку Кеңешинин чечиминин, КР президентинин Жарлыгынын негизинде жана Жамааттык коопсуздук жөнүндө келишимдин 1992-жылынын 15-майындагы 4-беренесине ылайык тынчтыкты орнотуу ишин жүргүзүүдө.
ЖККУга мүчө мамлекеттердин тынчтык орнотуу күчтөрүнүн азыркы учурдагы негизги милдети – Казакстандын өзгөчө маанилүү жана стратегиялык объектилерин коргоо жана кайтаруу болуп саналат.
Пикир
Оставить комментарий