Кыргыз-тажик чек арасында күчү 3,7 баллга жеткен жер титирөө катталды

Бишкек, 11.09.17. /Нуркыз Сабырова – Кабар/. Кечээ, кыргыз-тажик чек арасында күчү 3,7 баллга жеткен жер титирөө катталды.

УИАнын сейсмология институтунун алдын ала маалыматы боюнча, жер титирөө болжол менен жергиликтүү убакыт боюнча 11:58 катталып, очогунда күчү 3,7 баллга жеткен.

Жер титирөөнүн очогу Алай тоо кыркаларында болуп, Кара-Тейит айылынан 22 чакырым түндүк-батышта, Баткен шаарынан 22 чакырым түштүк-чыгышта болгондугу маалымдалат.

Кыргызстандын калктуу конуштарында жер титирөөнүн күчү 3 баллга жеткен. Ал эми ӨКМ алдын ала маалыматтары боюнча кыйроолор жок экендигин билдиришти.