Бишкек, 12.07.21. /Кабар/. Биз COVID-19 оорусунун жогорку чеги июнь-июлга туура келерин божомолдогонбуз, азыр жогорку чекке жеттик, 10-14 күндүн аралыгында ооругандар азая баштайт. Бул тууралуу саламаттык сактоо жана социалдык өнүктүрүү министри Алымкадыр Бейшеналиев «Биринчи радионун» түз эфиринде маек берип жатып билдирди.
Анын айтымында, өлкөдө учурда коронавирус менен ооругандар үчүн 2443 бош орун бар, анын ичинен 340 орун Бишкекте.
«Стационарларда дары-дармек, медициналык кызматкерлер жетиштүү. Ар күнү түндө 250-300 орун даярдалууда»,-деди ал.
Пикир
Оставить комментарий