Бишкек, 23.08.22. /Кабар/. Кыргызстан менен Корея өндүрүш технологиясын өркүндөтүүгө мүмкүндүк берүүчү долбоорду ишке ашыра баштады. Бул тууралуу КР Экономика жана коммерция министрлигинин басма сөз кызматы билдирди.
Маалыматка ылайык, Экономика министрлиги Кореянын Боёк жана дизайн технологиялары институту менен биргеликте Кыргыз Республикасынын текстиль жана тигүү ишканаларына өндүрүш технологиясын өркүндөтүү жана мындан аркы кызматташуу үчүн кореялык жана кыргыз компанияларынын тармагын түзүү жана тигүү тармагында көмөк көрсөтүүнү караган TASK долбоорун ишке киргизди.
Долбоордун алкагында КР экономика министринин орун басары Канат Абдрахманов DYETEC Боёк жана дизайн технологиялар институтунун президенти Хонг Сан Му жана Кореянын Теру шаарындагы (KIAT ) Алдыңкы технологиялар институттун өкүлдөрү менен жолугушууга катышты.
Жолугушууга ошондой эле "Кыргызиндустрия" ААКнын президенти Жарасул Абдураимов, Кыргызстандын Түштүкдагы элчиси Аида Исмаилова жана КРнын текстиль жана тигүү ишканаларынын өкүлдөрү катышты.
Белгиленгендей, Корея менен стратегиялык өнөктөштүктү өнүктүрүү жана эки тараптуу кызматташуунун оң динамикасын сактоо Кыргыз Республикасынын өзгөрүлбөгөн багыты болуп саналат. Дипломатиялык мамилелер түзүлгөндөн бери өлкөлөр ортосунда достук, ишенимдүү мамилелер түзүлүп, саясий, экономикалык жана маданий-гуманитардык тармактарда өз ара пайдалуу кызматташтык орнотулду.
Кыргызстан приоритеттүү тармактардын бири болгон, жогорку экспорттук потенциалга жана чоң социалдык мааниге ээ болгон жеңил өнөр жайын өнүктүрүүгө өзгөчө маани берет, анын аркасында калктын жогорку иш менен камсыз болушу камсыз кылынат.
Жолугушууда министрдин орун басары К.Абдрахманов корей тараптын өкүлдөрү менен "Кыргыз Республикасында 2024-2028-жылдарга туруктуу жеңил өнөр жайын өнүктүрүү үчүн текстиль өндүрүшүнүн санариптик технологиялары боюнча кызматташуу боюнча кыргыз-корей борборун түзүү" гранттык долбоорун талкуулады. Жалпы суммасы 8 млн долларды түзгөн гранттык долбоор Кореянын илимий мекемелери менен биргеликте Кыргызстандын Казакстандагы элчилигинин көмөгү менен даярдалган.
Кыргызстанда санариптик өнөр жайды өнүктүрүүнүн аркасында баалуу продукцияны чыгарууга мүмкүнчүлүк түзүлөт, технологдордун, менеджерлердин жана тигүүчүлөрдүн квалификациясы жогорулайт, бул өндүрүштүн көлөмүнүн өсүшүн жана жаңы жумушчу орундардын түзүлүшүн камсыз кылат.
Корея Республикасынын эксперттери тарабынан ата мекендик компанияларга берилген билим жана тажрыйба ийгиликтүү колдонулуп, тармактык ишканаларга эл аралык рынокто атаандаштыкка жөндөмдүү болууга жана өз ишмердүүлүгүнө инновациялык ыкмаларды киргизүүгө мүмкүндүк берери айтылды.
Пикир
Оставить комментарий