Бишкек, 05.04.23. /Кабар/. Тышкы иштер министринин орун басары Айбек Молдогазиев Москва шаарындагы резиденциясы менен Молдованын Кыргызстандагы элчиси Лилиан Дарий менен жолугушту.
КР тышкы саясий ведомствосунан билдиришкендей, тараптар өлкөлөр ортосундагы саясий диалогду мындан ары өнүктүрүүгө, соода-экономикалык байланыштарды кеңейтүүгө, анын ичинде “ВСП+” макамын жана Молдованын ЕБ менен өз ара аракеттенүүдөгү ийгиликтүү тажрыйбасын колдонуу аркылуу өз ара кызыкдар экендигин ырасташты.
Эки өлкөнүн тышкы иштер министрликтеринин саясий консультацияларынын кезектеги жыйынын өткөрүү, эки тараптуу Өкмөттөр аралык комиссиянын ишин улантуу, ошондой эле тараптар карап жаткан макулдашууларга жана келишимдерге кол коюуга даярдык көрүү боюнча биргелешкен ишти улантуу зарылчылыгы белгиленди.
Жолугушуунун жүрүшүндө аймактык жана эл аралык күн тартибиндеги бир катар актуалдуу маселелер да козголду.
Пикир
Оставить комментарий