Кыргызстанда бир жумада 21 миңден ашуун жол эрежесин бузуу фактысы катталды

Бишкек, 05.02.24. /Кабар/. Кыргызстандын аймагында 29-январдан 4-февралга чейинки аралыкта 21 мин 680 жол эрежесин бузуу фактысы катталды. Бул тууралуу Жол кыймылынын коопсуздугун камсыздоо башкы башкармалыгынын (ЖКККББ) басма сөз кызматынан билдиришти.

Маалыматка ылайык, анын ичинен:

• тийиштүү документтери жок унаа башкаруу – 291;
• мас абалында автоунаа башкаруу – 367;
• автоунаанын терезелерин мыйзамсыз караңгылатуу – 57;
• жөө жүргүнчүлөр катышкан жол эреже бузуулар – 1 726;
• транспорт каражаттарынын эксплуатациялоо эрежелерин бузуу – 3 336;
• белгиленген ылдамдыктан ашуу – 3 181;
• жалган мамлекеттик номуру менен унаа башкаруу – 6;
• башка жол эрежелерин бузуу фактылары – 12 716 ;

Ар кандай жол эрежелерин бузгандыгы үчүн 2 миң 151 автоунаа айып короосуна киргизилди.

ЖКККББ айдоочулардан жол кыймылынын коопсуздугунун эрежелерин так сактоого чакырат.