Кыргызстанда Орозо айтты белгилөөнүн так күнү маалым болду

Бишкек, 17.04.23. /Кабар/. Быйыл Орозо айт 2023-жылдын 21-апрелинде белгиленет. Бул тууралуу "Кабар" агенттигине муфтияттан билдиришти.

Ислам шариятында Рамазан айынын башталуусу жана аяктоосу айдын жаңырышына карап аныкталат. Рамазан айы кээде 30 же 29 күн болот.

Орозо айт майрамы ыйык Рамазан айынын аякташын билдирет.

Белгилей кетсек, быйыл Кадыр түн 17нен 18-апрелге караган түнү белгиленет. Кыргызстанда Орозо айы 23-мартта башталган.