Бишкек, 18.01.21. /Кабар/. Мамлекеттик каттоо кызматынын алдындагы «Инфоком» мамлекеттик ишканасына караштуу Мамлекеттик персонификациялоо борбору 2020-жыл ичинде 825 миң 528 паспорт даярдап чыгарган. Бул тууралуу Мамлекеттик каттоо кызматынан билдиришти.
Маалыматка ылайык, статистикага паспорттордун бардык түрлөрү кирет: жалпы жарандык, дипломаттык, кызматтык, ошондой эле 2017-жылдын үлгүсүндөгү eID-карталар.
"Кыргызстандын жарандарды үчүн тариздетилүүчү паспорттордун саны өткөн жылда мурунку жылдарга салыштырмалуу төмөндөгөн. 2017-жылы 901 миң паспорт даярдалган. 2018-жыл ичинде бардыгы болуп 916 миң паспорт жекелештирилген. 2019-жылы 950 миңден ашуун паспорт даярдалган. Ал ортодо, биометрикалык паспорттордун чыгаруунун башталышы менен, 2017-жылдын май айынан тартып бүгүнкү күнгө чейин 1 миллион 950 миңден ашуун eID-карталар даярдалган", - деп айтылат билдирүүдө.
Белгилей кетсек, миллионунчу биометрикалык паспорт Кыргызстанда 2019-жылдын 14-январында берилген. Ал эми эки миллионунчу eID-картаны берүү 2021-жылдын февраль айында күтүлүүдө.
Пикир
Оставить комментарий