Кыргызстанда жыл башынан бери 1,5 миңден ашык айыл чарба техникасы лизингге берилди

Бишкек, 18.12.23. /Кабар/. Кыргызстанда жыл башынан бери дыйкан-фермерлерге 4 млрд 146 млн 125 миң 243 сомго 1 миң 540 техника лизингге берилди. Бул тууралуу Айыл чарба министрлигинен билдиришти.

Маалыматка ылайык, анын ичинен:

- тракторлор – 318 даана;
- комбайндар – 24 даана;
- кайра иштетүү өнөр жайы үчүн жабдуулар – 3 даана;
- айыл чарба машиналары – 455 даана;
- спецтехника – 619 даана;
- унаа каражаттары – 2 даана;
- чиркелүүчү техникалар - 119 даана.