Бишкек, 17.12.19. /Кабар/. Кыргызстандык Алекс Эрнандес жаштар арасында аскага чыгуу боюнча Азия биринчилигинде алтын медаль утуп алды. Бул тууралуу спорттун аталган түрү боюнча федерациясынан билдиришти.
Мелдеш 12-15-декабрда Индиянын Бангалоре шаарында өттү.
"Жарышка 12 өлкөнүн спортчулары татаалдыкка, ылдамдыкка жана боулдеринг боюнча күч сынашты. Мелдештин акыркы күнүндө ылдамдыкка жарышышкан. Кыргызстандык спортчу В тайпасында катышып, жеңүүчү аталды", - деп айтылат маалыматта.
Андан тышкары, дагы бир кыргызстандык Даниил Абабков мелдештин 12-орунуна жайгашты.
Пикир
Оставить комментарий