Кыргызстандык боксчулар Белграддагы эл аралык мелдеште эки медаль жеңди

Бишкек, 04.04.23. /Кабар/. Кыргызстандын бокс боюнча курама командасынын мүчөлөрү Белградда өткөн 60-чы Belgrad Winner эл аралык мелдешинде эки медаль жеңди. Бул тууралуу Дене тарбия жана спорт департаментинен билдиришти.

Мелдешке 48 кг салмак категориясында катышкан кыргызстандык Анвар Ходжиев финалдык беттеште россиялык Адам Алиевге жеңилип калып, күмүш медалга ээ болду. Ал эми 86 кг салмак категориясында катышкан Эркин Адылбек уулу үчүнчү орунду камсыз кылды.

Аталган мелдеште Мукаш Ырысалиев мыкты калыс деп табылды.

Белгилей кетсек, мелдеш 28-март күнү башталып, 3-апрелде жыйынтыкталды. Жалпы 25 өлкөдөн келген 133 мушкер катышты.