Бишкек, 12.04.23. /Кабар/. Кыргызстандын ок атуу боюнча курама командасынын мүчөлөрү Казакстанда өткөн “Алтын Мерген” эл аралык мелдешинде эки медаль жеңди. Бул тууралуу Дене тарбия жана спорт департаментинен билдиришти.
Мелдеш 4-11-апрель күндөрү Шымкент шаарында өттү. Ага Кыргызстан, Казакстан, Тажикстан, Россия жана Белорустан келген спортчулар катышты.
Эркектер арасында Аскат Токмаков күмүш медаль тагынса, кыз-келиндер арсында Арууке Талантбекова үчүнчү орунду камсыз кылган.
Белгилей кетсек, мелдешке Кыргызстандын атынан жалпы 10 спортчу катышкан.
Пикир
Оставить комментарий