Бишкек, 05.03.20. /Кабар/. Футбол боюнча Кыргызстандын курамасынын жарым коргоочусу Эдгар Бернхардт Бангладештин чемпионатында экинчи голун киргизди. Бул тууралуу Кыргыз футбол бирикмесинен билдиришти.
Чемпионаттын 4-турунда кыргызстандык спортчу ойногон "Абахани Лимитед" командасы "Мохаммедан Дакка" командасы менен оюн өткөрдү.
Бернхардт беттештин 33-мүнөтүндө атаандашынын дарбазасына гол киргизди. Бул анын чемпионаттагы экинчи голу.
Оюн 4:0 эсебинде "Абахани Лимитед" командасынын жеңиши менен жыйынтыкталды.
Пикир
Оставить комментарий