Бишкек, 12.07.23. /Кабар/. Чыңгыз Айтматов атындагы Бишкек лицейинин 10-классынын окуучусу Данияр Гаипов биология боюнча 34-эл аралык олимпиадада (International Biology Olympiad, IBO) коло медаль жеңип алды.
Билим берүү жана илим министрлиги кабарлагандай, аталган олимпиада 3-июлдан 11-июлга чейин Бириккен Араб Эмиратынын Аль-Айне шаарында өтүп, ага 79 өлкөдөн 297 окуучу катышты.
Олимпиадага катышуучу ар бир өлкөдөн 4 окуучудан турган курама команда жиберилет.
Кыргызстандын курама командасы:
1. Эльбрус Тажибаев – команданын лидери жана IBO калыстар тобунун мүчөсү;
2. Даян Мэлисов – машыктыруучу жана IBO калыстар тобунун мүчөсү;
3. Байзак Карыпжанов, “Манас Ата” Талас лицейи, 10-класс;
4. Алай Алмазов, М.Субакожоев атындагы Нарын лицейи, 11-класс;
5. Данияр Гаипов, Ч.Айтматов атындагы Бишкек лицейи, 10-класс;
6. Азирет Анварбеков, Х. Карасаев атындагы Ысык-Көл лицейи, 10-класс.
Биология боюнча эл аралык олимпиада (International Biology Olympiad) — 15 жаштан 21 жашка чейинки мектеп окуучуларынын ортосундагы биология боюнча илимий жарыш. Ал 1990-жылдан тарта жыл сайын июль айында өткөрүлүп келет. Кыргызстан бул олимпиадага 1994-жылдан бери катышат.
Мындан сырткары Кыргызстандын 6 окуучудан турган математика боюнча курама командасы Японияда өткөн математика боюнча 64-эл аралык олимпиадага катышып келди.
Курама команда жалпысынан 79 упай топтоп, бирок медалга жетпей калды.
6 окуучу олимпиадага катышкандыгы үчүн грамоталар менен сыйланды.
Кыргызстандын курама командасынын жыйынтыгы:
- Корнияш Фёдор, Б. Якирдин атындагы № 61 автордук физика-математикалык мектеп-лицейи, 7-класс – 17 упай;
- Асанкадыров Айдин, Б. Якирдин атындагы № 61 автордук физика-математикалык мектеп-лицейи, 9-класс – 15 упай;
- Дүйшөбаев Нуртилек, Эл аралык “Сапат” билим берүү мекемеси, 11-класс – 13 упай;
- Бобрус Ян, “Газпром Кыргызстан” мектеби, 7-класс – 12 упай;
- Искандеров Эльдар, Эл аралык “Сапат” билим берүү мекемеси, 11-класс – 11 упай;
- Аскербеков Тилек, “ЮВИС” (UWIS) Эл аралык мектеби, 12-класс – 11 упай.
Пикир
Оставить комментарий