Бишкек, 22.08.23. /Кабар/. Үстүбүздөгү жылдын I жарым жылдыгында 350 миңге жакын адам микрокредиттик уюмдардын кызмат көрсөтүүлөрүн пайдаланды, бул өткөн жылдын тийиштүү мезгилине салыштырганда 17% га көп.
Мында алуучуларга 24 млрд сомго жакын суммада же 35,5%га көп микрокредиттер берилди.
Микрокредиттерди алуучулардын басымдуу бөлүгү Ош шаарына - мында алуучулардын жалпы санынын 21%га жакын жана Жалал-Абад облусуна - 17%дан ашык, ошондой эле Бишкек шаарына- 16%га жакыны туура келди.
Микрокредиттердин эң көп суммасы Бишкек шаарындагы (берилген микрокредиттердин жалпы көлөмүнүн 19%дан ашык), Ош (17%), Чүй жана Жалал-Абад облустарынын (15,8%дан) алуучуларына берилди.
Үстүбүздөгү жылдын I жарым жылдыгында берилген микрокредиттердин жалпы көлөмүнүн дээрлик 46%ы керектөөчүлүк муктаждыктарына берилди, 25%дан ашыгы - айыл чарбасындагы ишмердикти өнүктүрүүгө, 12%га жакыны - соода жана коомдук тамактануу чөйрөсүнө, 5%дан ашыгы курулушка багытталды.
Пикир
Оставить комментарий