Кыргызстандын аймагында бир жумада 500гө жакын мас айдоочу кармалды

Бишкек, 04.12.23. /Кабар/. Кыргызстандын аймагында 27-ноябрдан 3-декабрга чейинки аралыкта 20 миң 762 жол эрежесин бузуу фактысы катталган. Бул тууралуу Жол кыймылынын коопсуздугун камсыздоо башкы башкармалыгы (ЖКККББ) билдирет.

Маалыматка ылайык, анын ичинде 494 айдоочу мас абалында рулга отурган.

Андан тышкары:

• тийиштүү документи жок унаа башкарган 386 факты катталган;
• автоунаанын терезесин мыйзамсыз караңгылатуу - 63;
• жөө жүргүнчүлөр катышкан жол эрежесин бузуу - 1 136;
• транспорт каражаттарынын эксплуатациялоо эрежелерин бузуу - 2 964;
• автоээнбаштык - 12;
• белгиленген ылдамдыктан ашуу - 3 980;
• жалган мамлекеттик номер менен унаа башкаруу - 4;
• башка эреже бузуулар - 11 723.

Инспекторлор тарабынан ар кандай жол эрежесин бузган 1 863 автоунаа айып короосуна киргизилген.

ЖКККББ айдоочулардан жол кыймылынын коопсуздугунун эрежелерин так сактоого чакырат.