Мектеп лигасы: Бишкекте кыздар арасында баскетбол боюнча мелдеш өттү

Бишкек, 26.12.24. /Кабар/. Бишкек шаарында “Мектеп лигасы” программасынын алкагында кыздар арасында баскетбол боюнча мелдеш өттү.

Муниципалитеттен билдиришкендей, иш-чараны Бишкек шаарынын мэриясынын дене тарбия жана спорт, туризм жана жаштар менен иштөө департаменти уюштурду.

Турнирде шаардын мыкты мектеп командалары чогулуп, жогорку даярдыкты жана спорттук чеберчиликти көрсөтүштү.

Мелдештин жеңүүчүлөрү:

• 1-орун – №110 орто мектептин командасы;
• 2-орун – №33 гимназия мектебинин командасы;
• 3-орун – №115 орто мектептин командасы;
• 4-орун – №67 гимназия мектебинин командасы.

Бул спорттук иш-чара мектеп окуучуларынын арасында баскетболдун өнүгүүсүнө, дени сак жашоо образын жайылтууга жана командалык духту бекемдөөгө маанилүү кадам болду.

Турнирдин жеңүүчүлөрү дипломдор жана медалдар менен сыйланды.