Мектеп, тигүү цехи, оорукана. Баткенте эртең 10го жакын объект колдонууга берилет

Бишкек, 29.12.23. /Кабар/. Баткен облусунда 30-декабрда 10го жакын объект колдонууга берилет. Бул тууралуу президенттин облустагы өкүлчүлүгүнөн билдиришти.

Жаңы жыл алдында ачылышы пландалып жаткан объекттер:

• Лейлек районунун Кулунду айыл аймагындагы "Булак-Башы" орто мектеби;
• Лейлек районунун Лейлек айыл аймагындагы "Лейлек" орто мектеби;
• Лейлек районунун Ак-Суу айыл аймагындагы "Алга"орто мектеби;
• Лейлек районунун Ак-Суу айыл аймагындагы курулуш материалдарын чыгаруучу ишкана;
• Баткен районунун Боз-Адыр айылындагы тигүү цехи;
• Баткен районунун Кызыл-Бел айылындагы тигүү цехи;
• Кадамжай районунун Масалиев айыл аймагындагы Т.Мадарипов атындагы орто мектеби;
• Кадамжай районунун Үч-Коргон айылындагы оорукана;
• Баткен шаарындагы мал базары.

Өкүлчүлүктөн аталган объекттердин ачылуу салтанаттары онлайн жана офлайн режиминде өтөт.