• 88.15
  • 95.79
  • 0.98

Жети-Өгүз районунун Дархан айылындагы жаңы мектеп жакында пайдаланууга берилет

Коом 0

Бишкек, 03.11.21. /Кабар/. Ысык-Көл облусунун Жети-Өгүз районунун Дархан айылындагы Т.Сатылганов атындагы мектептин курулушу аяктоодо жана пайдаланууга даярдалууда. Бул тууралуу Архитектура, курулуш жана турак жай-коммуналдык чарба мамлекеттик агенттигинин басма сөз кызматы билдирет.

Маалыматка ылайык, учурда подряддык уюм тарабынан бардык курулуш-монтаждоо иштерин аяктады.

"Ишке киргизүү жана аймакты жашылдандыруу иштери жүргүзүлүп, эмерек жана ашкана жабдуулары орнотулууда жана окуу процесси үчүн керектүү шаймандар менен жабдылып жатат", - деп айтылат маалыматта.

Белгилей кетсек, 275 окуучулук орунга эсептелген билим берүү обьектисинин курулушу 2019-жылдын ноябрь айында башталган. Объекттин сметалык наркы 850 миң 571 АКШ долларын түзүп, Сауд ѳнүктүрүү фонду тарабынан каржыланды.

Мектепти ушул жылдын ноябрь айынын орто ченинде пайдаланууга берүү пландаштырылууда.

Пикир

Оставить комментарий