Бишкек, 11.12.20. /Кабар/. Милициянын кайгуул кызматкерлери унаанын терезелерин караңгылатып алган айдоочуну кармады.
Кайгуул кызматынан билдиришкендей, 10-декабрда кайгуул кызматкерлери бөлүнгөн аймакта кайгуул кылып жатып, болжол менен саат 16:30да Салиев көчөсүндө бара жаткан "Мерседес Бенц" үлгүсүндөгү авто унаанын терезелерин караңгылатып айдап бара жаткан айдоочуну байкашып, текшерүү иретинде токтотушкан.
Текшерүү учурунда 25 жаштагы М.Ж. аттуу айдоочу унаасынын алдыңкы жана каптал терезелерин атайын караңгылатып алгандыгы аныкталган.
Аталган факты боюнча унаа убактылуу токтотуучу жайга токтотулуп, айдоочуга карата Бузуулар жөнүндө кодексинин 129-берененин 3-бөлүмүнө ылайык протокол толтурулуп, 5 миң 500 сом айып салынды.
Пикир
Оставить комментарий