Бишкек, 06.12.24. /Кабар/. Монголиянын президенти Ухнаагийн Хурэлсух бүгүн, 6-декабрда, Кыргызстандын президенти Садыр Жапаровду туулган күнү менен куттуктады.
“Сиздин көрөгөчтүгүңүздүн, акылман жана компетенттүү лидерлигиңиздин астында Кыргыз Республикасы гүлдөп, эл аралык жана регионалдык аренада анын аброю өсүп жатат. Сиз менен биз эки элдин ортосундагы бир туугандыкты жана бекем достукту тереңдетүүнү улантып жатканыбызга канааттандым.
Сизге жана Сиздин үй-бүлөңүзгө бакубатчылык, чың ден соолук жана бакыт, Ал эми Кыргыз Республикасынын элине - тынчтык жана гүлдөп-өнүгүү каалайм”, - деп айтылат куттуктоо телеграммасында.
Пикир
Оставить комментарий