Бишкек, 26.01.24. /Кабар/. Мурдагы аялынын кулак-мурдун кескилеген жаран 20 жылга эркинен ажыратылды.
Соттун басма сөз кызматынан билдиришкендей, Сокулук райондук сотунун бүгүн, 26-январдагы өкүмү менен айыпталуучу Э.А.Э.га 80 миң сом айып салуу менен 20 жылга эркинен ажыратуу жазасы белгиленди.
Ал жазасын күчөтүлгөн тартиптеги абакта өтөйт. Ошондой эле сот айыпталуучудан жабырлануучунун пайдасына 2 млн сом өндүрүү чечимин чыгарды.
Белгиленгендей, айыптоо беренелеринде өмүр бою эркинен ажыратуу түрүндөгү жазалоо каралган эмес.
Эскерте кетсек, окуя 2023-жылы сентябрда болгон. Мурдагы күйөөсү аялынын кулак-мурдун кесип, денесине оор зыян келтирген. Аялга 8 саат операция жасалган.
Пикир
Оставить комментарий