Мурдагы билим берүү министри Аскар Какеев дүйнө салды

Бишкек, 26.04.21. /Кабар/. Мурдагы билим берүү, илим жана маданият министри Какеев Аскар дүйнө салды. Бул тууралуу учурдагы билим берүү жана илим министри Алмазбек Бейшеналиев өзүнүн фейсбуктагы баракчасына билдирү калтырды.

“Кыргызстандын билим, илим тармагында эмгектенип, бир кездерде билим берүү, илим жана маданият министри (1993-1998) болгон жана өлкөбүздөгү көптөгөн профессорлорду тарбиялаган Аскар Какеев агайыбыздын дүйнөдөн кайткандыгына байланыштуу үй-бүлөсүнө, жакындарына жана туугандарына терең кайгыруу менен көңүл айтабыз, аза кайгысын тең бөлүшөбүз”, - деп жазган министр.