Бишкек, 25.03.22. /Адил Төлөгөнов - Кабар/. Бүгүн, 25-мартта Кыргызстандын футбол боюнча курамасы Navruz Cup 2022 эл аралык мелдешинин алкагында Өзбекстандын командасы менен оюн өткөрөт. Бул тууралуу Кыргыз футбол бирикмесинен билдиришти.
Турнир 25-29-март күндөрү Наманган шаарында болуп, ага Кыргызстандан тышкары Өзбекстан, Тажикстан жана Уганданын командалары катышууда.
Бүгүн Бишкек убактысы боюнча саат 19:00дө Кыргызстандын курама командасы жарым финалда Өзбекстандын оюнчулары менен беттешет.
Ал эми Уганда-Тажикстан оюну Бишкек убактысы боюнча саат 15:30да башталат.
Белгилей кетсек, мелдештин жобосуна ылайык, командалар плей-офф баскычында кез келип, жарым финалдык беттештер ойнолот. Жеңген командалар финалда, жеңилгендер үчүнчү орун үчүн беттеште кез келишет.
Пикир
Оставить комментарий