• 89.43
  • 97.22
  • 0.97

Ноябрдын аягында Кыргызстандын ИДПсы тарыхый 1 трлн сомго жетүүсү күтүлүүдө

Экономика 0

Бишкек, 22.11.23. /Кабар/. Ноябрдын аягына карата Кыргызстандын ички дүң продукциясынын (ИДП) көлөмү тарыхый 1 трлн сомго жетүүсү күтүлүүдө. Бул тууралуу Экономика жана коммерция министрлигинен билдиришти.

Маалыматка ылайык, 2023-жылдын январь-октябрь айларында Улуттук статистикалык комитетинин алдын ала баалоосу боюнча ички дүң продукциянын көлөмү 919,1 миллиард сомду түзүп, реалдуу өсүү темпи 104,5%ды түздү.

Экономиканын тармактары боюнча көрсөткүчтөр төмөндөгүдөй болду: курулушта өндүрүштүн көлөмү 14,6%га, тейлөө чөйрөсүндө – 4,9%га, өнөр жайда – 1,3%га өстү, ал эми айыл чарбасында өсүү темпи 2022-жылы 100,1%ды түзүп, ушул эле мезгилдин деңгээлинде сакталды.

Экономика жана коммерция министрлигинин маалыматы боюнча 2023-жылдын ноябрь айынын үчүнчү он күндүгүндө өлкөнүн ички дүң продукциясынын номиналдык көлөмү 1 триллион сомдук тарыхый деңгээлге жетиши күтүлүүдө.

2023-жылдын 16-февралында өткөн коллегияда министр Д.Амангелдиев 2023-жылга карата пландарды жарыялап, анда өнүгүүнүн негизги көрсөткүчү – экономиканын 5%дан кем эмес өсүшү же ички дүң продукциянын көлөмүн 1 триллион сомдон жогору жеткирүү экенин белгиледи.

Бул маанилүү учур өлкөнүн экономикасын өнүктүрүү жана узак мөөнөттүү өнүгүү максаттарына ийгиликтүү жетишүү үчүн негиздерди түзүү үчүн жагымдуу шарттарды көрсөтөт. ИДПнын өсүшү өлкөнүн жарандарынын жыргалчылыгын жогорулатуу боюнча чараларды ишке ашыруу аркылуу Кыргыз Республикасынын Министрлер Кабинетинин максаттуу аракеттеринин натыйжасы болуп саналат.

Белгилей кетсек, Кыргызстан 2011-жылы ИДПнын деңгээлине 250 млрд сомго жеткен. Кийинки олуттуу көрсөткүчкө 6 жылдан кийин жетип, 2017-жылы ИДП эки эсеге өсүп, 500 млрд сомдон ашты. Үстүбүздөгү жылы ИДПнын эки эсеге өсүүсү менен кийинки көрсөткүчкө жетишилди жана ноябрь айынын аягына чейин 1 трлн сомдон ашат.

Пикир

Оставить комментарий