Бишкек, 22.10.24. /Кабар/. Ноокен райондук электр тармактары 2024-жылга мерчемделген 133,9 чакырым 10-6-0,4 кВ аба чубалгысы оңдоодон өткөрүлдү. Бул тууралуу Энергетика министрлигинен билдиришти.
Маалыматка ылайык, ал эми утурумдук оңдоо боюнча мерчемделген 509 чакырым 10-6-0,4 кВ аба чубалгыны оңдоо иштери аяктады. 10-0,4 кВ 13,7 чакырым аба чубалгысын реконструкциялоо иштери мерчемделип, 11,4 чакырымы аткарылган.
Ошондой эле 52 даана трансформатор капиталдык ремонттон өткөрүлгөн болсо, 202 трансформатор утурумдук оңдоп-түзөөдөн өттү.
Ноокен РЭТинин башчысы Уланыч Чолпоновдун айтымында, ар бир жумуш ыргагы план боюнча аткарылууда. Жыл башынан бери 903 темир-бетон мамыча орнотулду. Учурда күз-кыш мезгилине 95 пайыз даяр.
Бул иштер Ноокен районунун бардык бурчунда калкка туруктуу жана сапаттуу электр энергиясы менен камсыз кылуу максатында жүргүзүлүп жатат.
Пикир
Оставить комментарий