Бишкек, 30.10.24. /Кабар/. Жыл башынан бери Ош облусунун аймагында өнөр жай багытындагы 92 жаңы ишкана ачылды. Бул тууралуу бүгүн президенттин Ош облусундагы ыйгарым укуктуу өкүлүнүн аппаратында облустун 9 айдагы социалдык-экономикалык өнүгүүсүнүн жыйынтыгын чыгарган коллегиялык жыйында айтылды.
Өкүлчүлүктүн маалыматына ылайык, бул аралыкта жалпы 993 жумуш орду түзүлгөн.
Мындан тышкары, жыйында өнөр жай тармагында жалпысынан 1 млрд 928,4 млн сомдон ашык инвестиция өздөштүрүлгөндүгү айтылды.
Ошентип, быйыл өткөн жылдын ушул мезгилине салыштырмалуу 611,2 млн сомго көп инвестиция тартылып, 38 ишканага көп ачылды. Белгиленгендей, 2023-жылдын 9 айында 54 ишкана ачылып, 1 млрд 317,2 млн сом инвестиция тартылган.
Пикир
Оставить комментарий