Ош шаардык кеңешке саат 12:00гө карата 19,3 миңден ашык адам добуш берди

Бишкек, 17.11.24. /Кабар/. Саат 12:00гө карата Ош шаардык кеңешинин депутаттарын шайлоого шайлоочулардын 8,3%ы, же 19 миң 320 адам добуш берди.

Муниципалитеттен билдиришкендей, ал эми аралыктан добуш берүү тилкесинде 176 шайлоочу, же 21,8% добуш берди.

Белгилей кетсек, бүгүн шаардагы 102 шайлоо тилкеси жана бир аралыктан добуш берүү тилкеси саат 08:00дө толук ачылды. Жалпысынан Ош шаарында 235 миң 452 шайлоочу болсо, аралыктан добуш берүүгө 809 шайлоочу катталган.

Шайлоо учурунда добуш берүү тилкелеринде милиция кызматкерлери жана ыктыярдуу элдик кошуундар, медицина кызматкерлери нөөмөттө турушат.