Бишкек, 24.02.21. /Кабар/. Ош шаарында 24-25-февралда диний уюмдардын ишмердүүлүгү боюнча тренинг өтүүдө. Бул тууралуу Жергиликтүү өз алдынча башкаруу иштери жана этностор аралык мамилелер боюнча мамлекеттик агенттигинин (ЖӨБЭММА) басма сөз кызматы билдирет.
Маалыматка ылайык, тренингди ЖӨБЭММА "Жалпы кызыкчылыктарды издөө" коммерциялык эмес корпорациясынын өкүлчүлүгү менен биргеликте, агенттиктин Ош, Жалал-Абад жана Баткен облустарындагы коомдук кабылдамаларынын жооптуу катчылары, коомдук консультативдик этностор аралык кеңештин мүчөлөрү, жергиликтүү өз алдынча башкаруу органдары жана дин өкүлдөрү үчүн уюштурууда.
2 күндүн ичинде катышуучулар дин тутуу эркиндигин сактоонун актуалдуу маселелерин жана жергиликтүү өз алдынча башкаруу органдарынын жана жергиликтүү өз алдынча башкаруу органдарынын дин тутуу эркиндигине байланыштуу айрым маселелерди кароо боюнча иш-аракеттерин кеңири талдап чыгышат.
Тренингде динге ишенгендерди жерге берүү, диний уюмдардын ишмердүүлүгү, ошондой эле жер-жерлерде сабырсыздык жана басмырлоонун көрүнүшү сыяктуу маселелер козголот.
Эки күндүк тренингден кийин ЖӨБЭММА кызматкерлери Ош, Жалал-Абад жана Баткен аймактарын кыдырып, ЖӨБЭММАнын этностор аралык мамилелер боюнча коомдук кабылдамаларынын консультативдик жана усулдук жардам көрсөтүү иштери менен таанышат.
Пикир
Оставить комментарий