Бишкек, 02.10.24. /Кабар/. Ошто турак үйдөн чыккан ири өрт саат 14:55те толук өчүрүлдү. Бул тууралуу Өзгөчө кырдаалдар министрлигинен билдиришти.
Маалыматка ылайык, өрттүн жалыны коңшу 3 үйдүн чатырына өткөн. Өрт өчүрүүчүлөрдүн ыкчам аракеттеринин натыйжасында аталган турак жайлар сакталып калды.
Тилсиз жоону өчүрүүгө жалпы 5 күжүрмөн эсеп, 32 адам тартылды.
Өрттүн аянты болжол менен 496 чарчы метрди түздү. Жабыркагандар жок.
Эскерте кетсек, түндө Ош шаарынын Курбанов көчөсүндө жайгашкан турак үйдөн өрт чыккан.
Пикир
Оставить комментарий