Бишкек, 02.05.19. /Кабар/. Памирден келген этникалык кыргыздарга өкмөт финансылык жактан жардам көрсөтүп келет. Бул тууралуу Жогорку Кеңештин жыйынында өкмөттүн өкүлү Ашырбек Темирбаев кабарлады.
Анын маалыматы боюнча, алардын ичинен 2 үй-бүлө Ат-Башыда, 9 үй-бүлө Нарын шаарында жашайт.
“Жашы жете элек 18 бала мектепте билим алууда, 5 кичинекей бала балдар бакчасына барышат. Ай сайын 16 балага 1215 сомдон жөлөкпул төлөнөт. Андан тышкары, өкмөт алардын үйүнүн акысын, коммуналдык кызматтар үчүн төлөмдөргө 2 млн. 870 миң сом каражат бөлгөн”, - дейт ал.
Аны менен бирге Темирбаев 2018-жылдын декабрь айында келген 4 үй-бүлөгө премьер-министрдин фондунан 560 миң сом бөлүнүп берилгендигин айтты. Ал эми үйдү ижарага алуу, коммуналдык кызматтарды төлөө жана керектүү оокаттарды сатып алуу үчүн ар бирине 28 миң сом берилген.
Пикир
Оставить комментарий