Бишкек, 10.02.22. /Кабар/. Панфилов районунда уурулукка шектүүлөр кармалды, - деп билдирет Чүй облустук милициясынын басма сөз кызматы.
Маалыматка ылайык, Кайыңды шаарында жайгашкан жеке ишканалардын биринин өкүлү милицияга арыз менен кайрылган. Анда 2022-жылдын 7-февралында ишкананын аймагынан белгисиз бирөөлөр бир тоннадай металлды уурдап кетишкенин билдирген.
Бул факты Панфилов РИИБү тарабынан кылмыштардын бирдиктүү реестрине Кыргыз Республиксынын Кылмыш-жаза кодексинин 205-беренеси ("Уурдоо") боюнча катталып, сотко чейинки өндүрүш иштери башталган.
Чүй облусунун ИИББнын жана Панфилов РИИБдүн кылмыш иликтөө кызматкерлери тарбынан жүргүзүлгөн ыкчам издөө иш-чараларынын натыйжасында жогорудагы кылмышка шектелип, буга чейин соттолгон 34 жаштагы М.М., жана 23 жаштагы Ю.В., аттуулар кармалып, убактылуу кармаоочу жайга камакка алынышкан.
Учурда териштирүү иштери улантылууда.
Пикир
Оставить комментарий