Бишкек, 10.06.21. /Кабар/. Чүй облусунун Панфилов районундагы кароосуз калган үйдөн курал-жарактар табылды. Бул тууралуу Улуттук коопсуздук боюнча мамлекеттик комитетинен (УКМК) билдиришти.
Маалыматка ылайык, 10-июнда УКМК тарабынан уюшкан кылмыштуу топтордун ишине бөгөт коюу, курал-жарак жана ок-дарылардын мыйзамсыз жүгүртүү фактыларын аныктоо боюнча ыкчам издөө иш-чараларынын алкагында Панфилов районунун аймагынан курал-жарак жана ок-дарылар сакталган жер табылды.
Такталгандай, кароосуз калган үйдө жайгашкан жашыруун жерден 9 мм “Макарова” таманчасынын магазини 10 огу менен, чет өлкөдө чыгарылган белгисиз 8 мм тапанча, 1 даана кесилген мылтык, 2 даана мергенчи куралы, 12 жана 16 калибр менен 2 сылмакай курал 8 огу менен, 1 даана реактивдүү сигнал чыгаргыч, 1 даана мергенчи бычагы, 1 даана кара түстөгү беткап табылды.
Учурда тиешелүү ыкчам тергөө иш-чаралар жүргүзүлүүдө.
Пикир
Оставить комментарий