Бишкек, 29.03.23. /Кабар/. Соода-өнөр жай палатасынын (СӨП) алдында жаңы комитет – Кыргызстандагы эт жана сүт өнөр жайы түзүлдү. Бул тууралуу СӨПтүн басма сөз кызматынан билдиришти.
Маалыматка ылайык, палатанын жетекчиси Темир Сариев Кыргызстандын эт-сүт тармагынын өкүлдөрү менен жолугушуу өткөрүп, тармактын көйгөйлөрү жана аларды чечүүнүн жолдору талкууланды.
"Өндүрүүчүлөр чогулган чечилбеген маселелердин көп саны жөнүндө айтышты. Эт өндүрүүчүлөрдүн негизги көйгөйү продукцияны сертификациялоо процесси жана бардык керектүү коштомо документтерди алуу болду. Бизнес процессти мүмкүн болушунча жөнөкөйлөтүп, бирдиктүү терезе түзүүнү суранууда. Анткени бардык керектүү күбөлүктөрдү жана мөөрлөрдү чогултуу көп убакытты талап кылат жана коррупцияга шарт түзөт. Мындан тышкары, асыл тукум материалды импорттоодо кошумча нарк салыгы боюнча тынчсызданууларын айтышты", - деп айтылат маалыматта.
СӨПтүн маалымат кызматынан кошумчалашкандай, мындай продукциялар аз санда алып келинет жана салыктын наркын бир топ жогорулатат. Ошондуктан бардык эле фермерлер жакшы асыл тукум малды ала алышпайт. Кыргызстан асыл тукум малдын санын көбөйтүү, анын ичинде экспортко чыгаруу маселеси турган шартта бул белгилүү бир тоскоолдуктарды жаратат.
Кыргызстандын эт-сүт тармагынын өкүлдөрү фермерлерди бордоп семиртүүнүн, малды кармоонун, даяр эт, эт азыктарын сактоонун жана өндүрүүнүн заманбап технологияларына үйрөтүү зарылдыгын айтышты. Республикада билимдин жоктугунан малдын саны көбөйбөй, эттин сапаты төмөндөп жатат.
СӨП башчысы айтылган көйгөйлөрдү өз оозунан биле турганын жана аларды чечүү үчүн бардык күч-аракетин жумшай турганын белгиледи. Ал эми тармактын кызыкчылыгын укуктук багытта лоббирлөө максатында жаңы комитет түзүү жана актуалдуу маселелерди системага салуу, ошондой эле аларды этап-этабы менен чечүүнүн жол картасын түзүү сунушталды.
Пикир
Оставить комментарий