Бишкек, 10.09.23./Кабар/. Президент Садыр Жапаров ИИМдин атайын багыттагы полкунун Жалал-Абад шаарындагы өзүнчө ротасына Toyota Corolla жана Mercedes-Benz Sprinter белек кылды.
Автоунааларды күн мурун министрлер кабинетинин төрагасынын орун басары - Улуттук коопсуздук мамлекеттик комитетинин төрагасы генарал-лейтенант Камчыбек Ташиев тапшырды. Бул тууралуу "Кабарга" облустук милициянын маалымат кызматынан билдиришти.
УКМК башчысы өз сөзүндө 29-августта президент Садыр Жапаров Жалал-Абад облусуна иш сапары менен келген учурда Жалал-Абад ОИИБге белек берип жибере тургандыгын айткандыгын, ошол белекти тапшыруу үчүн келгендигин билдирди.
Салтанаттуу иш-чарага УКМК башчысы Камчыбек Ташиев, президенттин Жалал-Абад облусундагы ыйгарым укуктуу өкүлү Абсаттар Сыргабаев, Жалал-Абад ОИИБдин башчысы милициянын полковниги Жеңишбек Абитов, Жалал-Абад ОИИБдин Ардагерлер кеңешинин төрагасы Капарбек Исаков, Жалал-Абад шаарынын мэри Эрнисбек Ормоков, Жалал-Абад ОИИБдин жана ИИМдин атайын багыттагы полкунун Жалал-Абад шаарындагы өзүнчө ротасынын өздүк курамдары катышты.
Пикир
Оставить комментарий