Саламаттык сактоо министрлиги кош бойлууларга бир катар маанилүү кеп-кеңештерди сунуштайт

Бишкек, 20.05.24. /Кабар/. Кош бойлуулардын медициналык кызматкерлердин тыкыр көзөмөлүндө болуусу түйүлдүктүн туура жетилүүсүн шарттайт.

Буга байланыштуу Саламаттык сактоо министрлиги болочоктогу энелерге кайрылып, кош бойлуу болгондон баштап, алар кандай иш-аракеттерди унуткарбай жасоо керектигин, кандай медициналык кызматтар акысыз көрсөтүлөрүн тизмектеди.

• Кош бойлуулар Үй-бүлөлүк медицина борборуна катталуусу керек. Анда дарыгер менен биргеликте кош бойлуулуктун көзөмөлдөө планы талкууланып, “Көзөмөлдөө картасы” берилет;
• Милдеттүү медициналык камсыздоо полисин акысыз алышат;
• Акысыз медициналык кызмат алууга укуктуу;
• Дарыгерге 9 ирет көрүнүп, базалык текшерүүлөрдөн өтүүсү шарт;
• Физикалык жана эмоционалдык абалына байкоо жүргүзүүсү кажет;
• Электрондук рецепт жаздырып, фолий кычкылдыгы менен йодго 90%га, темир камтыган дары каражаттарына 50%га чейин арзандатуу алат;
• Анализдерди өз убагында тапшырып туруу керек;
• Дене тарбия менен машыгуу маанилүү;
• Эгер кош бойлуунун жүрөгү-башы айланса, кан акса, шишисе, дене табы жогоруласа, түйүлдүк кыймылдабаса, кооптуу белгилерди көз жаздымда калтырбай, дароо дарыгерге кайрылуусу зарыл.