Бишкек, 27.12.23./Кабар/. Саламаттык сактоо министрлиги санариптик трансформациянын алкагында ведомстволук кагаз түрүндөгү отчеттордон толугу менен баш тартып, маалыматтарды чогултуу жана иштетүү үчүн санариптик платформага өтүү чечимин кабыл алды.
Ведомстводон билдиришкендей, бул демилге маалыматты чогултуу жана талдоо процесстерин оптималдаштырууга, ошондой эле ресурстарды үнөмдөөгө багытталган.
Алдын ала эсептөөлөр боюнча, санариптик отчеттуулукка өтүү саламаттык сактоо тармагына жыл сайын болжол менен 10 млн сом үнөмдөөгө мүмкүндүк берет. Бул каражаттар мурда жол киреге жана кагаз сатып алууга жумшалган.
Бул демилгенин артыкчылыктары төмөнкүлөрдү камтыйт:
Натыйжалуулук: Санариптик маалыматтарды иштетүү так эсептөөлөрдү жүргүзүүгө жана трендди анализдөөгө мүмкүндүк берет, бул башкаруу чечимдерин туура кабыл алууга өбөлгө түзөт.
Ресурстарды үнөмдөө: Кагаз отчетторун жок кылуу акчаны үнөмдөйт, аны саламаттык сактоонун маанилүү муктаждыктары үчүн колдонсо болот.
Экологиялык туруктуулук: кагазды колдонууну азайтуу экологиялык жоопкерчиликке жана туруктуулукка шайкеш келет.
Ошондой эле бул чечим маалыматтардын жеткиликтүүлүгүн, маалыматтын тезирээк иштетилишин жана саламаттык сактоо системасынын ачыктыгын жакшыртат.
Пикир
Оставить комментарий