Бишкек, 27.09.24. /Кабар/. Самаркандда "Борбор Азиядагы туруктуу трансчекаралык коммуникациялардын эң мыкты практикасы" аттуу инфраструктуралык инвестиция боюнча транспорттук жана энергетикалык инфраструктураны өнүктүрүүнүн негизги аймактык аспектилери талкууланды.
Иш-чара Азия инфраструктуралык инвестиция банкынын IX жылдык жыйынынын алкагында өттү.
Азия инфраструктуралык инвестиция банкынын вице-президентинин Константин Лимитовскийдин айтымында, инфраструктуралык байланышты жакшыртуу жана аймактык кызматташтыкты илгерилетүү инфраструктуралык инвестиция боюнча Азия банкынын миссиясынын негизги элементтери болуп саналат.
"Азия инфраструктуралык инвестиция банкы инфраструктуралык инвестиция боюнча ички жана чек ара байланыштарын жакшыртуу үчүн инфраструктурага стратегиялык инвестиция салууга, аймактык интеграцияны жана кызматташтыкты өнүктүрүүгө көмөктөшүүчү долбоорлорду колдоого умтулат", - деди ал.
Жыйындын соңунда катышуучулар Борбор Азиядагы чек ара инфраструктурасы көп тараптуу каржы институттары менен жеке сектордун жана коңшу аймактардын тыгыз кызматташуусун талап кылары белгиленди. Бул кызматташуу туруктуу экономикалык өнүгүүгө жана Азия менен Европанын ортосундагы интеграцияны жакшыртууга өбөлгө түзөт.
Пикир
Оставить комментарий