Бишкек, 30.09.20. /Кабар/. 2020-жылдын 4-октябрында өтүүчү парламенттик шайлоо өнөктүгүнүн алкагында Жалал-Абад облусунда 643 миң 774 шайлоочу катталды.
Өкмөттүн Жалал-Абад облусундагы өкүлчүлүгүнүн басма сөз кызматынан кабарлашкандай, №2 формасын толтуруп 58 миң 59 жаран шайлоо дарегин өзгөрткөн.
"Мында аймактагы жергиликтүү бийликтер тарабынан мекемелер керектелүүчү зарыл жабдыктар жана коммуникациялык байланыш каражаттары менен камсыздалды", - деп айтылат маалыматта.
Ошондой эле күч түзүмдөрү тарабынан коомдук коопсуздук көзөмөлгө алынат. Керек учурда жарандардын ден соолугуна кам көрүү үчүн участкаларда медицина кызматкерлери жардам көрсөтөт.
Белгилей кетсек, парламенттик шайлоо 4-октябрда өтөт.
Пикир
Оставить комментарий