Бишкек, 21.05.20 /Кабар/. Сокулук райондук ИИБи тарабынан дайынсыз жоголгон 18 жаштагы Шарапова Мадинахон Ашуралиевна изделип жатат. Ал 16-майда үйүнөн чыккан боюнча кайтып келген эмес.
Чүй облустук милициясынын басма сөз кызматынан кабарлашкандай, Мадинахон Новопавловка айылында жашайт.
Белгилери: бою 160 см, орточо дене түзүлүштөгү, чачы ийининен ылдый, кара, көзү күрөң.
Кийимдери: көк түстөгү шым, үстүндө кара түстөгү күрмө, кара түстөгү жайкы бут кийим.
«Мадинахондун кайда экенин билгендер болсо, төмөнкү телефондор боюнча кайрылып коюңуздар: Чүй облустук милициясынын нөөмөт бөлүмү (0312) 43-01-27, (0312) 43-88-85, Сокулук райондук милициясынын нөөмөт бөлүмү (0312) 60-75-67, 0558 86 14 86,0708 89 13 14 (издөө тобу)», - деп айтылат маалыматта.
Пикир
Оставить комментарий