Бишкек, 04.01.21. /Кабар/. Социалдык фонддун Call-борбору 2020-жыл ичинде 48 миң 181 кайрылуу кабыл алды.
Ведомствонун басма сөз кызматынан кабарлашкандай, Соцфонддун Call-борбору иштеп жатат жана негизги социалдык камсыздандыруу, пенсиялык камсыздоо жаатындагы маселелер боюнча 1202 кыска номери аркылуу толук түшүндүрмөлөр берилүүдө.
2020-жылдын декабрь айында Соцфонддун Call-борборуна 2 миң 971 кайрылуу келип түшкөн.
Андан тышкары, сайт аркылуу онлайн-офлайн режиминде 759 электрондук кайрылуу келип түшкөн.
"Кайрылуулардын басымдуу бөлүгү камсыздандыруу төгүмдөрдү төлөөчүлөрдөн, иштебеген жарандардан, чет өлкөлүк жарандардан, пенсионерлерден жана иштеген пенсионерлерден келип түшөт", - деп айтылат Соцфонддун билдирүүсүндө.
Пикир
Оставить комментарий