Бишкек, 15.11.22. /Кабар/. Сузакта дайынсыз жоголгон 18 жаштагы Айнура Ирисалиева изделүүдө. Бул тууралуу Жалал-Абад облустук милициясынан билдиришти.
Маалыматка ылайык, Айнура Ирисалиева 2022-жылдын 9-ноябрь күнү саат 23:00 чамасында Сузак районунун Таран-Базар айылында жайгашкан үйүнөн чыгып кеткен бойдон кайтып келген эмес.
Милициядан белгилешкендей, учурда Айнура Ирисалиеванын жүргөн жерин аныктоого мүмкүнчүлүк болбой жаткандыгына байланыштуу туугандары жана милиция аны табууга коомчулуктан жардам сурайт.
Белгилери: Бою 160-165 см, ак жуумал, кашы, көзү кара, чачы кара узун, орто дене түзүлүштө.
Кийген кийимдери: Ак түстөгү жоолук, кара түстөгү узун плащ, сары түстөгү узун көйнөк, кара түстөгү галош.
"Дайынсыз болуп жаткан Ирисалиева Айнура Руслановна тууралуу кандайдыр бир маалымат болсо төмөнкү телефондор аркылуу билдирип коюуну өтүнөбүз: 102, (03722) 7 39 90, 0553 78 00 78, 0771 93 60 70", - деп кошумчалашты облустук милициядан.
Пикир
Оставить комментарий